Një aksident ka ndodhur ditën e sotme në Korçë, një 40-vjeçar ka rënë nga ura teksa drejtonte automjetin e tij.
Ngjarja ka ndodhur në fshatin Polenë, teksa 40-vjeçari R.B. ka humbur kontrollin e mjetit tip “Nissan”.
40-vjeçari është transportuar për në spitalin e Korçës, ku po mori ndihmën e parë, deri më tani raportohet për dëmtime të rënda në trup.
Njoftimi i policisë
“Më datë 11.02.2018, jemi njoftuar se shtetasi R.B, rreth 40 vjeç, duke drejtuar mjetin tip “Nissan” me targa AA 025 GR, ka humbur kontrollin e mjetit dhe ka rënë nga ura në fshatin Polenë.
Për pasojë ka marrë dëmtime vetë drejtuesi i mjetit, i cili u transportua për në Spitalin e Korçës ku ndodhet nën kujdesin e mjekëve. Grupi hetimor po punon për sqarimin e rrethanave të ngjarjes,” shkruhet në njoftimin e policisë.
